ملک بھرمیں گرمی کاقہر، 300افراد ہلاک،یوپی میں162کی موت
نئی دہلی : ملک میں شدید گرمی عروج پر ہے۔ جس کی وجہ سے مختلف ریاستوں سے تعلق رکھنے والے کل 300 لوگوں کی موت ہو چکی ہے۔ گرمی کی لہر کی وجہ سے صورتحال انتہائی خطرناک ہو گئی ہے کہ اب تک بہار میں 55، اتر پردیش میں 162، جھارکھنڈ میں 9، راجستھان میں 5 اور اوڈیشہ میں 41 افراد کی موت ہو چکی ہے۔بہار شدید گرمی اورہیٹ ویو کی لپیٹ میں ہے جس کی وجہ سے مختلف اضلاع میں اب تک 55 افراد کی موت ہو گئی ہے۔ اموا ت کی تصدیق سرکاری طورپر نہیں کی گئی ہےلیکن کئی اضلاع سے موصولہ اعداد و شمار کے مطابق اورنگ آباد میں 16، بھوجپور میں 9، روہتاس میں 8، جہان آباد میں 8، کیمور میں 6، گیا میں 3، بکسر، شیخ پورہ میں 3۔ 2 افراد کی موت ہوئی ہے۔وہیں، اتر پردیش میں بھی گرمی کی لہر جاری ہے۔ اطلاعات کے مطابق یوپی میں گرمی سے اب تک 162 اموات ہو چکی ہیں۔ یہ اموات دیگر ریاستوں کے مقابلے میں سب سے زیادہ ہیں۔ یہاں ہی نہیں گرمی کی وجہ سے اموات ہو رہی ہیں بلکہ ملک کی دیگر ریاستوں میں بھی صورتحال انتہائی تشویشناک ہے۔شدید گرمی کا اثر مشرق سے لے کر مغربی ہندوستان تک دیکھا جا رہا ہے۔ اوڈیشہ بھی اس کی لپیٹ میں ہے۔ اوڈیشہ میں گرمی سے 41 لوگوں کی موت کی خبر ہے۔ سندر گڑھ میں 17، سمبل پور میں 8، جھارسوگوڈا میں 7، بولانگیر میں 6 افراد گرمی کی لہر سے اپنی جان گنوا بیٹھے ہیں۔ اسی طرح ریاست کے دیگر حصوں میں بھی تین اموات کی اطلاع ملی ہے۔ساتھ ہی جھارکھنڈ کی صورتحال بھی خوفناک ہے۔ گرمی اور ہٹ ویو کی لہر کے باعث یہاں 9 افراد جان کی بازی ہار گئے۔ جھارکھنڈ کے مدینی نگر میں 47.4 ڈگری درجہ حرارت ریکارڈ کیا گیا ہے جبکہ گڑھوا میں درجہ حرارت 47.1 ڈگری تک پہنچ گیا ہے۔ اس کے علاوہ جے پور میں ہیٹ ویو سے مرنے والوں کی تعداد بھی بڑھ کر 5 ہو گئی ہے۔
