واشنگٹن:۔امریکی محکمہ خارجہ نے کہا ہے کہ ملک بھارت میں کوویڈ 19 کی وباپرگہری نگاہ رکھے ہوئے ہے۔امریکہ میں بیماریوں کے کنٹرول اور روک تھام کے مراکز (سی ڈی سی) نے امریکی شہریوں کو ہندوستان جانے سے بچنے کے لیے ایک ایڈوائزری جاری کی ہے۔وزارت خارجہ کے ترجمان نیڈ پرائس نے اپنی روزانہ پریس کانفرنس میں صحافیوں کو بتایاہے کہ ہم ہندوستان میں کوویڈ 19 کے پھیلاؤ کو قریب سے دیکھ رہے ہیں۔ایک سوال کے جواب میں ، انہوں نے کہا کہ پیر کو امریکی وزیر خارجہ ٹونی بلنکن اور وزیر خارجہ ایس جے شنکر نے فون پر اس معاملے پر تبادلہ خیال کیا۔پرائس نے کہاہے کہ خواہ وہ ہندوستان ہو یا کوئی اور ملک ، ہم ہر ممکن کوشش کرنے کے لیے پرعزم ہیں جو ہم موجودہ وقت میں کر سکتے ہیں۔ہم وائرس کو قابو کرنے میں پرامیدہیں۔ ورلڈ ہیلتھ آرگنائزیشن (ڈبلیو ایچ او) کے مطابق ، 3 جنوری ، 2020 اور 20 اپریل 2021 کے درمیان ، بھارت میں کوویڈ 19 کے 1.53 کروڑ کیسز رپورٹ ہوئے تھے اور 180000 سے زیادہ افراد ہلاک ہوچکے ہیں۔ ڈبلیو ایچ او کے مطابق 11 اپریل تک کل 10.4 کروڑ ویکسین دی گئیں۔ڈبلیو ایچ او نے بتایا کہ ہندوستان میں گذشتہ 24 گھنٹوں کے دوران کوویڈ 19 کے 259170 نئے واقعات پیش آئے۔
