دہلی:۔خراب موسم کی وجہ سے پائلٹوں کے بے ہوش ہونے کی وجہ سے یہ حادثہ پیش آیا۔ تکنیکی زبان میں اسے سی ایف آئی ٹی کہا جاتا ہے یعنی کنٹرولڈ فلائٹ انٹو ٹیرین۔سی ڈی ایس کا ہیلی کاپٹر خراب موسم کی وجہ سے گر کر تباہ ہوا۔ گر کر تباہ ہونے والے ہیلی کاپٹر میں کوئی تکنیکی خرابی نہیں تھی اور نہ ہی یہ حادثہ انسانی وجوہات کی وجہ سے پیش آیا۔ نہ ہی کسی قسم کی سازش تھی۔انکوائری کمیٹی نے فضائیہ اور فوج کے متعلقہ افسران کے بیانات قلمبند کر لیے ہیں۔ اس کے ساتھ انہوں نے مقامی لوگوں سے بھی بات کی ہے جو اس حادثے کے عینی شاہد تھے۔ حادثے سے قبل جس موبائل فون سے ویڈیو بنائی گئی اس کی بھی تحقیقات کی جا چکی ہیں۔ جائے وقوعہ سے ایف ڈی آر یعنی فلائٹ ڈیٹا ریکارڈر یعنی تباہ ہونے والے ہیلی کاپٹر کا بلیک باکس بھی برآمد ہوا ہے۔ اس کا ڈیٹا بھی رپورٹ میں شامل کیا گیا ہے۔فضائیہ کی تربیتی کمان کے کمانڈنگ ان چیف ایئر مارشل مانویندر سنگھ کی قیادت میں وزارت دفاع نے حادثے کی وجہ کے لیے سہ فریقی انکوائری کا حکم دیا تھا۔
