نئی دہلی: ملک میں پچھلے کچھ دنوں سے کورونا انفیکشن(Corona Infection) سے کسی مریض کی موت نہیں ہوئی ہے، جس کی وجہ سے مرنے والوں کی تعداد 530568ہے اوراموات کی شرح 1.19فیصد ہے۔ صحت اورخاندانی بہبود کی مرکزی وزارت نے بدھ کو کہا کہ صبح 7 بجے تک 219.98 کروڑ سے زیادہ ویکسین (vacine)دی جاچکی ہیں۔ وزارت نے کہا کہ گزشتہ 24 گھنٹوں کے دوران ملک میں کورونا کے ایک فعال کیس میں اضافے کی وجہ سے ان کی تعداد بڑھ کر 3846ہو گئی ہے اور اسی عرصے میں 151 افراد کورونا سے ٹھیک ہونے سے ان کی مجموعی تعداد 4,41,41,743 گئی ہے۔ ملک میں صحت یابی (Recovery)کی شرح 98.08فیصد ہے۔ فعال کیسز کی شرح 0.1فیصد ہے۔وزارت نے کہا کہ گزشتہ 24 گھنٹوں میں ملک کی آٹھ ریاستوں اور ایک مرکز کے زیر انتظام علاقوں میں کورونا کے نئے کیس سامنے آئے ہیں، دیگر ریاستوں اور مرکز کے زیر انتظام علاقوں میں فعال کیسوں میں کمی آئی ہے۔ کیرالہ (Kerala)میں چھ فعال کیسوں کے اضافے کے ساتھ ان کی مجموعی تعداد بڑھ کر 1,409 ہوگئی ہے۔ کوروناوباسے صحت یاب ہونے والوں کی تعداد 67 لاکھ 54 ہزار 340 ہو گئی ہے اور مرنے والوں کی تعداد 71 ہزار 524 ہے۔ کرناٹک میں کوروناانفیکشن کے دو فعال کیسوں میں اضافے کے ساتھ ان کی مجموعی تعداد بڑھ کر 1,390 ہوگئی ہے۔ اس سے نجات پانے والوں کی مجموعی تعداد 4029840اور مرنے والوں کی تعداد40306 تک پہنچ گئی ہے۔مہاراشٹر میں چار فعال معاملات کم ہو کر 196 رہ گئے ہیں۔ اسی عرصے کے دوران 31 افراد کے صحت یاب ہونے کے بعد اس سے نجات پانے والوں کی مجموعی تعداد 79 لاکھ 87 ہزار 626 ہو گئی ہے۔ ریاست میں مرنے والوں کی تعداد 1,48,408 پرمستحکم ہے۔ راجستھان(Rajasthan) میں کورونا انفیکشن کے چھ ایکٹیو کیس بڑھنے کے ساتھ ہی ان کی مجموعی تعداد 74 ہو گئی ہے۔ اس بیماری سے چھٹکارا پانے والوں کی تعداد بڑھ کر 1305599ہوگئی ہے۔ ریاست میں مرنے والوں کی تعداد 9653ہو گئی ہے۔ اوڈیشہ میں کوروناکے پانچ کیسز بڑھنے کے ساتھ ہی ان کی مجموعی تعداد 101 ہو گئی ہے۔ اس وبا سے صحت یاب ہونے والوں کی کل تعداد 1327192تک پہنچ گئی ہے اور مرنے والوں کی تعداد 9205ہے۔تمل ناڈو(Tamil Nadu) میں کورونا کے چار ایکٹیو کیسز کم ہونے کے ساتھ ہی ان کی مجموعی تعداد 58 رہ گئی ہے۔ اس وبا سے صحت یاب ہونے والوں کی مجموعی تعداد 3565168تک پہنچ گئی ہےاورمرنے والوں کی تعداد 38049پر برقرار ہے۔ تلنگانہ میں کورونا انفیکشن کے تین معاملات میں کمی کے ساتھ ان کی تعداد کم ہو کر 70 ہو گئی ہے۔ اس وباسے صحت یاب ہونے والوں کی تعداد بڑھ کر 8,37,032 تک پہنچ گئی ہے اور مرنے والوں کی تعداد 4111پر برقرار ہے۔مرکز کے زیر انتظام علاقے پڈوچیری میں کورونا کے تین کیسز کے اضافے کے ساتھ ان کی تعداد 10 ہو گئی ہے اور اس کے ساتھ ہی اب تک 173516لوگ کورونا سے صحت یاب ہو چکے ہیں، جب کہ مرنے والوں کی تعداد 1975پر برقرار ہے۔ یہ راحت کی بات ہے کہ مرکز کے زیر انتظام علاقوں انڈمان اور نکوبار جزائر، اروناچل پردیش، آسام، دادرا اور ناگر حویلی، دمن اور دیو، لکشدیپ، جھارکھنڈ، ناگالینڈ اور تریپورہ میں کورونا کا ایک بھی فعال کیس نہیں ہے۔ اس کے علاوہ دس ریاستوں اور مرکز کے زیر انتظام علاقوں میں کورونا کا کوئی نیا فعال کیس سامنے نہیں آیا ہے۔
