ممبئی: ۔مہاراشٹر کی راجدھانی ممبئی میں ایک بار پھر بم سے اڑانے کی دھمکی دی گئی ہے۔ اس بار دھیرو بھائی امبانی انٹرنیشنل اسکول کو منگل کو دھمکی آمیز کال موصول ہوئی، جس میں نامعلوم فون کرنے والے نے اسکول کو بم سے اڑانے کی دھمکی دی۔ فون کرنے والے نے فون پر بتایا کہ اس نے اسکول میں ٹائم بم نصب کیا ہے اور یہ کہتے ہی کال کاٹ دی۔ اس کے بعد خوف و ہراس پھیل گیا اور پولیس کو اس کی اطلاع دی گئی۔ممبئی پولیس کے مطابق صبح 4.30 بجے اسکول کی لینڈ لائن پر دھمکی آمیز کال موصول ہوئی۔ فون کرنے والے نے دعویٰ کیا کہ اس نے اسکول میں ٹائم بم نصب کیا تھا۔ اس کے بعد اس نے کال منقطع کر دی۔ اس واقعے کے فوراً بعد اسکول نے مقامی پولیس سے رابطہ کیا اور ساری بات بتائی۔ اسکول کی شکایت کی بنیاد پر، نامعلوم کال کرنے والے کے خلاف سیکشن 505 (1) (B) اور آئی پی سی کی دفعہ 506 کے تحت بی کے سی پولیس اسٹیشن میں مقدمہ درج کیا گیا ہے۔
