شیموگہ:۔ غذائیت سے بھرپور اور بھوک سے پاک ملک کی تعمیرآج کی اشد ضرورت ہے۔اس بات کا اظہار نئی دہلی سے انڈین اگریکلچر کمیشن کے ڈپٹی جنرل ڈائریکٹرڈاکٹرآر سی اگروال نے کیا ہے۔ انہوں نے آج کلدی شیوپا نائک یونیورسٹی آف ایگریکلچر اینڈ ہارٹیکلچر سائنس کے زیر اہتمام 6ویں یوم تاسیس کی تقریب سے خطاب کیا۔انہوں نے کہا کہ ملک میں ہر ایک کو معیاری غذائیت سے بھرپور خوراک ملنی چاہئے۔ ملک کی غذائیت کی کمی کو دور کرنے کیلئے نئےپروگرام تیار کرکے اور ان پر عمل درآمد کرنا چاہئے۔ملک میں دستیاب پانی کا صرف 25 فیصدحصہ ہی استعمال ہوتا ہے اور 75 فیصد پانی سمندروں میں ضائع ہو جاتا ہے۔ اس پانی کا صحیح استعمال ہوناچاہئے۔ انہوں افسوس کا اظہار کرتے ہوئے کہا کہ لوگوں کی بڑی تعداد زراعت سے دورہوتی جا رہی ہے۔ زراعت کے شعبے میں وسیع مواقع موجود ہیں ،نوجوان کو چاہئے کہ وہ زراعت کے چیلنجوں کا سامنا کریں اور زراعت کو ایک منافع بخش کاروبار میں تبدیل کرنا چاہیے۔ ملک کی تمام ریاستوں کو مرکزی حکومت کی طرف سے نافذ کردہ نئی تعلیمی پالیسی کو اپنانا چاہئے۔ اس پالیسی میں معیاری تعلیم پر زور دیا گیا ہے، اس سے نوجوانوں کیلئے روزگار کے مزید مواقع پیدا ہونگے۔ریاستی گورنر تھاور چند گہلوٹ نے آج شیواپا نائک یونیورسٹی آف ایگریکلچر اینڈ ہارٹیکلچرل سائنس کے 6ویں کانووکیشن کی تقریب کا افتتاح کیا گیا۔یہ پہلا موقع ہے جب یونیورسٹی نے ڈاکٹر بھارت بائیوٹیک، حیدرآبادکے مینجنگ ڈائریکٹرڈاکٹر کرشنامورتی کو سبھی نے ڈاکٹریٹ کی اعزازی ڈگری سے نوازاگیا۔ اس کے ساتھ ساتھ زراعت اور باغبانی کے محققین کے ساتھ ساتھ مختلف شعبوں کے ڈاکٹریٹ اور گریجویٹ طلباء کو ڈگریاں عطا کی گئیں۔تقریب کےآغاز میں یونیورسٹی چانسلر ڈاکٹر || ایم کے نائک نے تمام حاضرین کا خیر مقدم کیا۔ کونسلر ڈاکٹر آر لوکیش سمیت یونیورسٹی کے لیکچررز، میڈل ڈونرس ، طلباء اور والدین نے شرکت کی۔
