بنگلورو: گجرات حکومت نے جماعت چھٹویں تا 12ویں جماعت کے نصاب میں بھگوت گیتا کو شامل کرنے کا اعلان کیا ہے۔ اس اعلان کے بعد اب کرناٹک حکومت بھی گیتا کو نصاب میں شامل کرنے پر غور کر رہی ہے۔ حکومت کا خیال ہے کہ گیتا کو تمام مذاہب کے لوگوں کو پڑھنا چاہیے۔کرناٹک کے وزیر تعلیم بی سی ناگیش نے کہا کہ تعلیم کے شعبے میں ماہرین کی ایک کمیٹی بنانی ہوگی۔ کون فیصلہ کرے گا کہ اخلاقی تعلیم میں کون سے مضامین ہونے چاہئیں۔ انہوں نے کہا کہ جس کا بچوں پر اچھا اثر ہو اسے پڑھانا شروع کیا جا سکتا ہے، چاہے وہ بھگوت گیتا ہو، رامائن ہو یا مہابھارت۔وزیر تعلیم نے کہا کہ بھگوت گیتا صرف ہندوؤں کے لیے نہیں ہے، یہ سب کے لیے ہے۔ ماہرین کے مطابق اسے اسکول میں پڑھایا جانا چاہیے۔ سب سے پہلے ہمیں یہ فیصلہ کرنا ہے کہ اسکول میں اخلاقی تعلیم کو دوبارہ متعارف کرانا ہے یا نہیں۔بی سی ناگیش نے کہا کہ ہم اپنے وزیر اعلیٰ سے بات کرنے جا رہے ہیں کہ کیا ہم اخلاقیات شروع کرنے جا رہے ہیں، ان سے مشورہ کرنے کے بعد ہم اسے اگلے تعلیمی سال میں نافذ کر سکتے ہیں۔ ہم ان لوگوں کو سکھائیں گے جو بچوں پر اچھا اثر ڈالتے ہیں، چاہے وہ بھگوت گیتا ہو، رامائن ہو یا مہابھارت۔
