اجمیر:۔ راجستھان کا اجمیر پنجاب پولیس کے نشانے پر ہے۔ اجمیر میں پنجاب پولیس نے صرف دو دن کے عرصے میں ایک بار پھر بڑی کارروائی کرتے ہوئے ایک اور معاملے میں اجمیر درگاہ کے خادم اور انجمن سنستھا کے افسر کے بیٹے کو گرفتار کر لیا ہے۔ مقامی پولیس کو بھی اس کارروائی کا علم نہیں تھا۔ معلومات کے مطابق پنجاب پولیس نے درگاہ کے علاقے کے رہنے والے توصیف چشتی نامی شخص کو گرفتار کر لیا۔ پنجاب پولیس اسے اپنے ساتھ لے گئی ہے۔ذرائع کے مطابق توصیف چشتی پر پنجاب کے ایک بدنام زمانہ مجرم کو پناہ دینے اور جرائم میں ملوث ہونے کا الزام ہے۔ بتایا جا رہا ہے کہ اسے پنجاب پولیس نے ایک دہشت گرد کو پناہ دینے کے الزام میں گرفتار کیا ہے۔ توصیف نے دہشت گرد چرت سنگھ کو اجمیر میں پناہ دی تھی۔ اور اس کے ساتھیوں کی جانب سے موہالی میں پولیس ہیڈ کوارٹر پر آر پی جی حملہ کیا گیا تھا۔ذرائع سے موصولہ اطلاعات کے مطابق توصیف نے چرت سنگھ کو پستول مہیا کرائی تھی۔ چرت سنگھ حال ہی میں ممبئی میں پکڑا گیا تھا۔ پنجاب پولیس چرت سے اس کے مفرور سفر کے بارے میں معلومات حاصل کرنے کی کوشش کر رہی ہے۔ تب سے یہ کارروائیاں کی جا رہی ہیں۔
