بنگلورو:۔کانگریس لیڈر اور ایم ایل اے پرینک کھرگے کو جان سے مارنے کی دھمکی دینے کے الزام میں 13 نومبر کو گرفتار کیے گئے بی جے پی کارکن مانیکانت راٹھوڈ کو ضمانت پر رہا کر دیا گیا۔ کلبرگی کے چٹا پور سے تعلق رکھنے والے مانی کانت کو 14 نومبر کو ضمانت پر رہا کیا گیا تھا۔اس نے چٹا پور کے ایم ایل اے کو جان سے مارنے کی دھمکیاں جاری کی تھیں اور کرناٹک پردیش کانگریس کمیٹی کے نائب صدر ٹپنا کماکنور کی شکایت کی بنیاد پر تعزیرات ہند کی دفعہ 506 (مجرمانہ دھمکی) کے تحت مقدمہ درج کیا گیا تھا۔ یہ شکایت منی کانت کے کہنے کے بعد درج کی گئی تھی، آپ ہمیں اے کے 47 رائفل یا بندوق سے گولی مار سکتے ہیں۔ ہم مرنے کے لیے تیار ہیں۔ ہم آپ کو گولی مارنے کے لیے بھی تیار ہیں۔‘‘کانگریس صدر ملکارجن کھرگے کے بیٹے پرینک اس سے قبل کرناٹک میں وزیر رہ چکے ہیں۔ ایچ ڈی کمارسوامی کی زیرقیادت مخلوط حکومت میں سماجی بہبود کے وزیر کا عہدہ سنبھالنے سے پہلے وہ سدارامیا کی قیادت والی کانگریس حکومت میں آئی ٹی، بی ٹی اور سیاحت کے وزیر تھے۔
