دہلی: شیوسینا کے اثاثوں پر سپریم کورٹ سے کئی دنوں کے بعد ادھو ٹھاکرے گروپ کو بڑی راحت کی خبر ملی ہے۔ سپریم کورٹ نے شیو سینا پارٹی کے منقولہ یا غیر منقولہ اثاثوں کو الگ کرنے سے روکنے کی ہدایت دینے کی درخواست کو مسترد کر دیا ہے۔درخواست میں یہ بھی مطالبہ کیا گیا کہ اسے پارٹی کے نئے صدر کو منتقل کیا جائے۔ ادھو ٹھاکرے دھڑے کے پاس موجود شیوسینا کے تمام اثاثوں کو ایکناتھ شندے کی زیرقیادت شیوسینا کو منتقل کرنے کی درخواست کو آج سپریم کورٹ نے مسترد کر دیا۔ عدالت نے وکیل آشیش سے پوچھا کہ یہ کیسی پٹیشن ہے اور آپ کون ہیں اسے دائر کرنے والے؟ عدالت نے کہا کہ یہ درخواست قابل غور نہیں ہے۔واضح ہو کہ انتخابی نشان، کمان اور تیر شندے دھڑے کو دیے گئے تھے جب سپریم کورٹ نے ادھو ٹھاکرے اور سی ایم ایکناتھ شندے کے دھڑوں کی طرف سے کراس پٹیشنز کے بیچ پر اپنا فیصلہ محفوظ رکھا تھا۔ فی الحال یہ مسئلہ زیر غور ہے۔
