دہلی : پارلیمنٹ کی سیکورٹی میں کوتاہی کے معاملے میں ایک بڑا اپ ڈیٹ سامنے آیا ہے۔ دہلی پولیس اس معاملے میں ملزم کا پولی گراف ٹیسٹ کرانے کی تیاری کر رہی ہے۔ اس سلسلے میں پٹیالہ ہاؤس کورٹ میں ایک درخواست دائر کر کے ٹیسٹ کی اجازت مانگی گئی ہے۔ عدالت اس معاملے کی سماعت 2 جنوری کو کریگی۔ فی الحال تمام ملزمان پولیس کی حراست میں ہیں۔دہلی پولیس نے کہا کہ ہم تمام ملزمان کا پولی گرافی ٹیسٹ کرانے کے لیے تیار ہیں۔ اس معاملے میں درخواست دائر کی گئی ہے۔ عدالت نے کہا ہے کہ ملزم کا لیگل ریمانڈ کونسل سے بات کرنا ضروری ہے جو کہ فی الحال عدالت میں دستیاب نہیں۔ عدالت نے یہ بھی کہا ہے کہ اگر ملزم اپنے خاندان کے کسی فرد سے بات کرنا چاہتا ہے تو اس کے لیے مناسب درخواست دائر کریں۔آپ کو بتا دیں کہ 13 دسمبر کو لوک سبھا کی کارروائی کے دوران دو لوگوں نے سامعین گیلری سے نیچے چھلانگ لگا دی تھی۔ دو اور لوگ پارلیمنٹ کمپلیکس کے باہر احتجاج کر رہے تھے۔ واقعے کے بعد ایک اور ملزم کو گرفتار کر لیا گیا۔ ملزمان نے پارلیمنٹ کے احاطے میں پیلا دھواں بھی پھیلایا تھا۔
