بچوں کو ذمہ دار اور عظیم کیسے بنائیں

یہ کہاوت باالکل درست ہے کہ بچوں کے لئے ماں پہلی اُستانی ہوتی ہے۔ اور ماں کی گود پہلی درسگاہ ہوتی ہے۔ پہلے پہل بچے جو کچھ بھی سیکھتے ہیں وہ اپنی ماں اور اردگرد کے ماحول سے سیکھتے ہیں۔ بچے کی اولین تربیت اس کے گھر سے ہی شروع ہوتی ہے۔ اس دوران بچے جو کچھ سیکھتے ہیں، وہ زندگی بھر بھول نہیں پاتے۔ ہر والدین کی یہ خواہش ہوتی ہے کہ اُن کے بچوں کی تربیت اتنی اچھی ہو کہ وہ دنیا کے بہترین اشخاص میں شمار ہوجائیں۔ والدین چاہتے ہیں کہ اپنے بچے بڑے ہو کر باکردار، بااخلاق، بااُصول، ذہیندار، اور مثالی شخصیت کے حامل بنیں ۔ لیکن چند والدین اس بات کو نظر انداز کردیتے ہیں کہ بچوں کو ان کی ذمہ داریوں کا احساس دلایا جائے۔ آج کے اس جدید دور میں ہم والدین کے پاس اتنا وقت ہی نہیں ہوتا کہ وہ اپنے بچوں کی تربیت پر مکمل دھیان دے سکیں، بچے کی جو تربیت والدین کرسکتے ہیں دوسرے اور کوئی نہیں کرسکتے۔ ان حالات میں بچے ایسے حرکات کرنے لگتے ہیں جو ناقابل برداشت ہوجاتے ہیں۔ دراصل بچپن ایک لاابالی دور ہوتا ہے۔ جس میں بچے کو اپنی ذمہ داریوں کا احساس تک نہیں ہوتا۔ جس سے بچے ایسے کام کرتے ہیں جس میں نقصان کا اندیشہ زیادہ ہوتا ہے۔ ایسی صورتِ حال میں بچہ ذہنی اور جسمانی طور پر زخمی ہوجاتا ہے ۔ مار کے اثرات نہ صرف اس کے جسم پر نمایاں ہوتے ہیں بلکہ اس کا اثر بچے کے ذہین پر بھی پڑتا ہے جو ابھی کچا ہوتا ہے۔

چھوٹے بچوں کا ذہین ناسمجھ اور ناپختہ ہوتا ہے، ان کو کسی کام سے منع کرنے کا یہ طریقہ نہیں ہوناچاہیے کہ آپ ڈانٹ ڈپٹ کرتے ہوئے ان پر چڑھائی کردیں کہ یہ نہیں کرنا، وہ نہیں کرنا، اس طرح کے رویوں سے بچوں میں ہر کوئی کام کرنے کی دلچسپی ختم ہوجاتی ہے۔بچہ اپنی من پسند چیزوں اور گیمز سے بھی بہت کچھ سیکھتا ہے۔ جس سے بچے کی ذہینی نشوونما ہوتی ہے۔

بہت سارے والدین بچوں کو ذمہ داری کا احساس اس وقت دلاتے ہیں جب وہ سیکھنے کی عمر سے آگے نکل جاچکے ہوتے ہیں ۔ جبکہ بچوں کو ان کی ذمہ داریوں کا احساس دلانے کا آغاز بچپن سے ہی شروع ہوتا ہے، کیونکہ بچپن میں جو چیزیں بچوں کے ذہین میں بیٹھ جاتے ہیں وہ زندگی بھر یاد رہتے ہیں۔

بچے کی بہترین تربیت کا طریقہ یہ ہوناچاہیے کہ بچے کو اس کے رویّے اور رہن سہن کے طریقے کی ذمہ داری کا احساس دلایا جائے نہ کے اس سلسلے میں زبردستی کا حربہ آزمایا جائے۔ اپنے بچوں کو اتنی آزادی ضروردیں کہ وہ اپنی زندگی سے متعلق رویوں کوسمجھے اور اس کا قوتِ فیصلہ مضبوط ہوسکے۔ کوئی بھی بچے پیدائشی طور پر ذمہ دار نہیں ہوتے بلکہ انہیں ذمہ دار بنایاجاتا ہے۔ ایسا کرتے وقت ہمیشہ یاد رکھیں کے بچوں کے ساتھ کبھی زبردستی نہ کریں بلکہ اُنہیں ذمہ داری کا احساس آہستہ آہستہ ذہین نیشن کروائیں۔

اکثر اوقات کچھ بچے چھوٹی عمر میں ہی اسکول جانا شروع کردیتے ہیں اور آہستہ آہستہ وہاں کے ماحول کے ساتھ اور دوسرے بچوں کے ساتھ رہ کر اپنی ذمہ داریوں کو سمجھنے لگتے ہیں ۔ اس دوران اساتذۂ کرام کا رویّہ بھی بہت اہم ہوتا ہے کہ وہ بچوں میں کس طرح ذمہ داریوں کا احساس پیداکرتے ہیں۔ بچوں کو یہ سکھایا جاتا ہے کہ کونسا ٹائم لکھنے پڑھنے کا ہے اور کونسا ٹائم کھیلنے کا ہے۔ یہ ٹائم ٹیبل کا طریقہ کار بچوں کو یہ احساس دلاتا ہے کہ ہمیں کس ٹائم پر اپنی کونسی ذمہ داری پوری کرنی ہے۔

اسی طرح کسی بچے کا چھوٹا بھائی یا بہن ہو تو اس کے ساتھ اسکول جانے لگتا ہے۔ اب والدین کا فرض بنتا ہے کہ وہ بچے میں اس ذمہ داری کا احساس پیداکریں کہ بیٹا آپ کا چھوٹا بھائی یا بہن آپ کے ساتھ اسکول جائے گا، آپ نے وہاں اس کا بھی خیال رکھنا ہے۔ کھانے کے وقفے میں اپنے ساتھ اسے بھی شامل کرنا ہے۔اس طرح کی یہ چھوٹی چھوٹی باتیں بچوں کے اندر اپنے آپ بڑا اور ذمہ دار ہونے کا احساس پیداکریں گے۔ اور آہستہ آہستہ اپنی ذمہ داریوں اور رشتوں کو نبھانا بھی سیکھ جائیں گے۔

حسبِ ذیل نکات کے ذریعے ہم اپنے بچوں کو عظیم بناسکتے ہیں؛

مندرجۂ بالامواد کو مزید بہتربنانے کے لئے آپ کی آراء کی پذیرائی کی جائے گی۔