بنگلورو:۔متعدد اسکولوں اور کالجوں میں طلباء میں کوویڈ-19 کے بڑھتے ہوئے معاملات کے ساتھ کرناٹک کے پرائمری اور سیکنڈری تعلیم کے وزیر بی سی ناگیش نے کہا کہ اگر صورتحال مزید خراب ہوتی ہے تو حکومت امتحانات کو روکنے اور اسکولوں کو بند کرنے سے پیچھے نہیں ہٹے گی۔ انہوں نے کہا کہ ماہرین کی رائے ہے کہ باقاعدہ آف لائن کلاسز کے انعقاد میں کوئی حرج نہیں ہے۔ناگیش نے نامہ نگاروں سے بات کرتے ہوئے کہاکہ اگر امتحانات اور اسکولوں کو روکنے کی ضرورت پڑی تو ہم پیچھے نہیں ہٹیں گے۔ موجودہ حالات میں تمام ماہرین کی رائے ہے کہ کوئی مسئلہ نہیں ہے۔ حکومت ایک گھنٹے کی بنیاد پر کوویڈ-19 کی صورتحال پر گہری نظر رکھے ہوئے ہے۔ انہوں نے کہا کہ حکومت کسی بھی پریشانی سے بچنے کے لیے متبادل انتظامات کرے گی۔انہوں نے کہا ”اگر ضرورت پڑی تو ہم امتحان روک دینگے۔ امتحانات میں معیاری آپریٹنگ پروسیجر (SOP) کی بہت سختی سے پیروی کی جاتی ہے کیونکہ ہم کو برقرار رکھتے ہوئے بیٹھنے کے انتظامات کرتے ہیں۔وزیر نے لوگوں سے کہا کہ وہ گھبرائیں نہیں کیونکہ اس سے بچوں کی تعلیمی سرگرمیاں متاثر ہوں گی۔ ناگیش نے کہا ”لوگوں کو گھبرانے کی ضرورت نہیں ہے کیونکہ اس سال ہم نے لاک ڈاؤن کے ایک سال بعد باقاعدہ اسکول شروع کیے ہیں۔ اگر سکول دوبارہ بند ہو گئے تو بچوں کو واپس کلاسوں میں لانا مشکل ہو جائے گا۔انہوں نے والدین کو یقین دلایا کہ اگر یہ محسوس ہوتا ہے کہ کوویڈ۔ 19 کی صورتحال بچوں کی صحت کو متاثر کرنے والی ہے تو محکمہ تعلیم سخت اقدامات کریگا۔ گذشتہ یوم کرناٹک کے چکمگلور ضلع کے جواہر نوودیا ودیالیہ میں 69 طلباء اور اساتذہ کورونا مثبت پائے گئے۔ ایک اسکول ٹیچر کی ٹیسٹ رپورٹ مثبت آنے کے بعد، طلباء، تدریسی اور غیر تدریسی عملہ سمیت کل 418 نمونے کوویڈ کی جانچ کے لیے بھیجے گئے۔ ان معاملوں میں 59 طلبہ ملوث ہیں۔ جس کے بعد ضلعی انتظامیہ نے اسکول کو سیل کردیا۔ ریاست میں انفیکشن کے 456 نئے معاملے سامنے آئے، جس کے بعد متاثرہ افراد کی تعداد بڑھ کر 2998099 ہو گئی۔ اس کے علاوہ چھ مریضوں کی موت کے ساتھ مرنے والوں کی تعداد 38230 تک پہنچ گئی ہے۔ محکمہ صحت نے کہا کہ ریاست میں فعال کیسوں کی تعداد 7132 ہے۔ کرناٹک میں کوویڈ ویکسین کی 112234 خوراکیں دی گئیں۔ اب تک کل 7.71 کروڑ خوراکیں دی جا چکی ہیں۔
