اے خدا، غاصب اور قابض یہودیوں کو تباہ کردے، کیونکہ وہ تجھے عاجز نہیں کرسکتے ،امام کعبہ
مقبوضہ بیت المقدس:۔حال ہی میں سعودی عرب کے ممتاز عالم دین، سعودی علما کونسل کے سینئررکن اور مسجد حرام کے امام الشیخ صالح بن حمید کے ایک خطبے پرصہیونی اور یہودی حلقے سیخ پا ہیں، جبکہ عرب ممالک کے کارکنوں کی طرف سے انہیں تحسین پیش کیا ہے۔مکہ کی مسجد حرام میں جمعہ کے خطبہ میں ابن حمید نے دعا کی :’اے خدا، غاصب اور قابض یہودیوں کو تباہ کردے، کیونکہ وہ تجھے عاجز نہیں کرسکتے،اے اللہ ان پر اپنی بیشمار لعنتیںاور مصیبتیں نازل کر، جیسا کہ تو نے خود قرآن میں لعنتیں نازل کی ہیں ۔ یقینا یہ یہود ہلاکت و بربادی کے عین مستحق اور حق دار ہیں‘۔ان کے خطبہ جمعہ کے ویڈیو کلپ کے وائرل ہونے کے بعد ابن حمید اسرائیلی صحافی ایڈی کوہن اور ربی جیکب ہرزوگ کی قیادت میں ایک وسیع پیمانے پر اسرائیلی اشتعال انگیزی کی مہم کا نشانہ بنایا گیا۔اس اسرائیلی مہم کو ٹویٹر پر ہم سب شیخ بن حمید کے ہیش ٹیگ کے تحت وسیع عرب یکجہتی کے ساتھ جواب دیا گیا۔ان کے موقف کو خراج تحسین پیش کیا گیا، جو ان کے بقول ولی عہد محمد بن سلمان کی ہدایات سے متصادم ہے۔فلسطینی مبلغ جہاد حلس نے کہا کہ قابض یہودیوں کے خلاف مسجد حرام آخری خطبہ کے بعد دعا میں الشیخ صالح بن حمید کی دعا سن کر صہیونی پاگل ہوگئے ۔ ان صہیونیوں نے الشیخ بن حمید کے خلاف اکسایا اور ان کے خلاف مقدمہ چلانے کا مطالبہ کیا ہے۔ٹویٹر پر ایک ٹویٹ میں انہوں نے کہا کہ میں انہیں خوشخبری دیتا ہوں، انشاء اللہ، یہ نیک آدمی جلد ہی مسجد اقصیٰ میں خطبہ دے گا اور ان صہیونیوں کی غلاظت ا سے مسجد اقصیٰ پاک اور آزاد ہوگی۔علی الراجی نے کہا کہ الشیخ بن حمید کا مقام اور عظیم الشان مسجد حرام میں ان کا اثر انگیز خطبہ مملکت اور اس کے لوگوں کا اصل مقام ہے۔ الشیخ کا فرض ہے کہ وہ انبیاء کے قاتلوں کے مقابلے میں ان کے ساتھ کھڑے ہوں۔ صلاح الحسینی نے زور دیا کہ یہ عرب عوام کی رائے ہے، خواہ عرب حکومتیں صہیونیوں کے ساتھ کتنی ہی عام ہوں، ہم آپ کو مجرمانہ قاتلوں کیساتھ نہیں دیکھتے ہیں۔
