بیلگاوی:۔ بی جے پی لیڈروں اور ہندو کارکنوں نے سارتھی نگر علاقے میں رہائشی مکانات کو مساجد میں تبدیل کرنے پر اعتراض دائرکیاتھا جس کے پیش نظرکرناٹک اسٹیٹ وقف بورڈ نے ریاست کے بیلگاوی ضلع کے سارتھی نگر علاقے میں واقع فاطمہ مسجد کو غیر قانونی طور قرار دیتے ہوئے تالالگا دیا ہے۔ محکمہ پولیس نے عمارت کے گرد حفاظتی اقدامات کیلئے کے ایس آرپی کی تکڑیوں کو بھی تعینات کیا گیا ہے۔بی جے پی اور ہندو کارکنوں نے الزام لگایا کہ ایک گھر کو مسجد میں تبدیل کر کے وقف بورڈ کے حوالے کیا جا رہا ہے۔کارکنوں نے اس سلسلے میں مقامی باشندوں کے ساتھ میٹنگ کی اور بی جے پی کے سابق ایم ایل اے سنجے پاٹل کی قیادت میں علاقے سے مسجد کو خالی کرانے کے لیے احتجاج شروع کیا۔ پاٹل نے ضلع انتظامیہ اور کارپوریشن سے مسجد کو خالی کرنے کا مطالبہ کیا تھا۔ مقامی لوگوں کے مطابق حکام ترقی کے نام پر آنکھیں بند کیے ہوئے ہیں۔ بیلگاوی دیہی حلقہ سے کانگریس ایم ایل اے لکشمی ہیبلکر نے اس سلسلے میں ان پر دباؤ ڈالا ہے۔ انہوں نے کہا کہ ایک سال سے زائد عرصہ گزرنے کے باوجود کوئی شکایت نہیں ہوئی۔ شری رام سینا نے مسجد خالی کرنے کے لیے ایک ہفتے کا وقت دیا تھا۔ مقامی لوگوں کا کہنا ہے کہ اصل مالک نے یہ جائیداد مولانا عبدالکلام ایجوکیشنل اینڈ چیریٹیبل سوسائٹی کو تحفے میں دی تھی بعد میں اسے مسجد میں تبدیل کر دیا گیا۔ اس سلسلے میں کارپوریشن نے تعمیراتی لائسنس کی خلاف ورزی اور رہائش کے لیے مختص جائیداد میں مذہبی سرگرمیاں انجام دینے سے متعلق نوٹس جاری کیا ہے۔ مسلم قائدین کا کہنا ہے کہ یہ وقف بورڈ کی ملکیت ہے۔ بیلگاوی کارپوریشن کمشنر ردریش گھلی نے اس سلسلے میں وقف بورڈ کو نوٹس جاری کیا تھا۔ کے پی سی سی کے ورکنگ صدر ستیش جارکی ہولی نے کہاکہ اس طرح کی وارداتیں مزید سامنے آئینگی کیونکہ انتخابات قریب ہیں۔ بی جے پی پر بالواسطہ حملہ کرتے ہوئے انہوں نے کہا، ”ہم نے دیکھا ہے کہ منگلورو، اڈپی اور کاروار میں حالات کیسے مخالف ہو گئے۔” وہ یہاں اور کہیں اور کریں گے۔ لیکن یہ ان کی مدد نہیں کرے گا. ستیش جارکی ہولی نے کہا کہ ملک میں ہزاروں سالوں سے چرچ اور مساجد ہیں۔ اب تنازعہ کھڑا کرنے کی ضرورت نہیں۔ عدالت کا حکم ہوتا تو الگ بات ہوتی، بی جے پی لیڈروں کا مسجد خالی کرنے کا مطالبہ غلط ہے۔ تاہم وہ اسے انتخابات کے مکمل ہونے تک جاری رکھیں گے۔ ہندو تنظیموں نے فاطمہ مسجد کو مکمل طور پر خالی کرانے کے لیے اپنا احتجاج جاری رکھنے کا فیصلہ کیا ہے۔ اس معاملے سے شہر میں امن و امان کی صورتحال مزید خراب ہونے کا خدشہ ہے۔
