بنگلورو:۔ پیر کو کرناٹک میں حجاب کا تنازع اس وقت بڑھ گیا جب منگلورو یونیورسٹی کی کچھ طالبات نے کیمپس میں حجاب یا اسکارف پہننے کی اجازت مانگنے کے لیے جنوبی کنڑ ضلع کے ڈپٹی کمشنر سے رابطہ کیا۔وہ 12 طلباء جنہوں نے ہفتہ کو یونیورسٹی کالج میں حجاب پہننے کا مطالبہ کیا تھا پیر کو بھی اس پر بضد رہیں۔وہ یونیورسٹی کالج آئیں چونکہ طلبہ کے لیے ڈریس کوڈ موجود ہے، اس لیے یونیورسٹی حکام نے انھیں ہفتہ اور پیر کو بھی داخلے کی اجازت نہیں دی۔ جب انہیں ضلع کے ڈپٹی کمشنر سے رجوع کرنے کو کہا گیا تو تین طالبات ان کے دفتر گئیںاور ایک میمورنڈم پیش کیا۔ڈپٹی کمشنر ڈاکٹر راجیندر کے وی نے کہا کہ یونیورسٹی کے سنڈیکیٹ کے فیصلے کے بعد کالج کے حکام نے ان کے داخلے پر پابندی عائد کر دی ہے کہ کسی بھی کپڑے کی اجازت نہ دیںجو کہ امن کو خراب کر سکتا ہے، چاہے حجاب ہو یا زعفرانی اسکارف اور ہائی کورٹ کے حالیہ فیصلے کا حوالہ دیا جس میں کہا گیا تھا کہ حجاب ایک ضروری مذہبی عمل نہیں ہے۔ اور جس کالج میں یکساں لباس تجویز کیا گیا ہے وہاں ڈریس کوڈ پر عمل کیا جائے۔طالبات کا دعویٰ ہے کہ یہ حکم پری یونیورسٹی کالجوں سے متعلق ہے نہ کہ ڈگری کالجوں کے لیے ہے۔ ایک لڑکی نے نامہ نگاروں کو بتایا کہ ہم نے ڈی سی کو ایک خط دیا تھا (لباس کے اصول پر نظرثانی کے لیے) اور اس معاملے کو خاموشی سے حل کرنے کی کوشش کی تھی۔ یہ مسئلہ ڈیڑھ ہفتے سے چل رہا ہے لیکن اس نے کوئی تشہیر نہیں کی کیونکہ ہم اس مسئلے کو قانونی طور پر حل کرنا چاہتے تھے لیکن اکھل بھارتیہ ودیارتھی پریشد کی وجہ سے اس مسئلے کو پبلسٹی ملی۔طلبا کے گروپ میں ایک واٹس ایپ چیٹ کا حوالہ دیتے ہوئے، اس نے دعویٰ کیا کہ اے بی وی پی سے وابستہ طلبا نے ہندوؤں سے 24 مئی کو نارنجی رنگ کی شال پہن کر کالج آنے کا مطالبہ کیا۔چیف منسٹر بسواراج بومئی نے بھی ہفتہ کو ہائی کورٹ کے فیصلے کا حوالہ دیا اور کہا کہ ہر ایک کو یکساں لباس کے اصول پر عمل کرنا چاہئے۔ایک طالبہ نے کہا کہ میں مچھلیاں پکڑنے والے کی بیٹی ہوں اور اپنے خاندان کی پہلی نسل کی کالج گرل ہوں۔ اب کالج کے حکام اس کپڑے کے ٹکڑے سے خوفزدہ ہیں جو میں پہنتی ہوں۔ منگلورو کے یونیورسٹی کالج میں صحافت کے پہلے سال کی طالبہ فاطمہ شازمہ نے ان لفظوں میں ناراضگی کا اظہار کیا۔جب کہ ساحلی کرناٹک کے اڈپی ضلع میں حجاب کا تنازع چل رہا تھا، منگلورو یونیورسٹی کا حلقہ کالج کبھی متاثر نہیں ہوا کیونکہ طالبات کو یونیفارم کے رنگ سے مماثل ہیڈ سکارف پہننے کی اجازت تھی۔ لیکن پچھلے ہفتے، اے بی وی پی کے حمایت یافتہ مظاہرین نے دھمکی دی تھی کہ اگر کلاس روم میں اسکارف کی اجازت دی گئی تو وہ زعفرانی شال پہنیں گے، جس سے صورت حال بدل گئی ہے۔ کرناٹک ہائی کورٹ نے 15 مارچ کو اڈوپی ضلع کے گورنمنٹ گرلز پری یونیورسٹی کالج کی کچھ طالبات کی طرف سے دائر درخواست کو خارج کر دیا جس میں کالج کیمپس میں حجاب پہننے کی اجازت مانگی گئی تھی۔چیف جسٹس ریتو راج اوستھی کی سربراہی میں تین رکنی بنچ نے برقرار رکھا کہ حجاب ایک ضروری مذہبی عمل نہیں ہے اور ہر ایک کو یکساں لباس کے اصول پر عمل کرنا چاہیے ۔
