پیرس:-ویٹیکن نے اعلان کیا ہے کہ پوپ فرانسس کا انتقال ایسٹر کے بعد پیر کی صبح 7 بج کر 35 منٹ پر ہوا۔ ان کی عمر 88 برس تھی۔ یہ خبر ویٹیکن کے کیمرلینگو کارڈینل کیون فیریل نے تصدیق کے ساتھ جاری کی، جو پوپ کی وفات کے بعد چرچ کے انتظامات سنبھالتے ہیں۔کارڈینل فیریل نے کہاکہآج صبح 7:35 پر روم کے بشپ، فرانسس، آسمانی باپ کے گھر واپس چلے گئے۔ ان کی پوری زندگی رب اور چرچ کی خدمت کے لیے وقف رہی۔فرانسس، جن کا اصل نام جورج ماریو بیرگولیو تھا، ارجنٹینا میں پیدا ہوئے۔ انہوں نے 2013 میں تاریخ رقم کی جب وہ پہلے یسوعی پوپ، امریکہ سے تعلق رکھنے والے پہلے پوپ، اور 1200 سال بعد پہلے غیر یورپی پوپ بنے۔ان کا دس سالہ دورہ پوپیت محبت، شمولیت، عاجزی اور ماحول و پسماندہ طبقے سے ہمدردی پر مبنی رہا۔ انہوں نے ویٹیکن میں شفافیت اور جنسی زیادتی کے مسائل پر اصلاحات کیں۔ ماحولیاتی تحفظ کے حوالے سے ان کی سب سے اہم دستاویز "لوداتو سی” تھی، جس میں انہوں نے موسمیاتی تبدیلی پر عالمی اقدامات کی اپیل کی۔کارڈینل فیریل نے مزید کہاکہانہوں نے ہمیں انجیل کی اقدار کو وفاداری، حوصلے اور عالمی محبت کے ساتھ جینے کا سبق دیا، خاص طور پر ان لوگوں کے لیے جو سب سے زیادہ محروم ہیں۔پوپ فرانسس کو حالیہ برسوں میں متعدد طبی مسائل کا سامنا رہا، جن میں سانس کی بیماریاں اور آنتوں کی سرجری شامل تھیں۔ رواں سال کے آغاز میں انہیں دوہری نمونیا بھی ہوا تھا۔ باوجود بیماریوں کے، وہ اپنی ذمہ داریاں ادا کرتے رہے اور اکثر موت کے بارے میں بات کرتے ہوئے اس کی تیاری پر زور دیتے تھے۔ ویٹیکن جلد ہی ان کے جنازے کے انتظامات کا اعلان کرے گا۔
